Shillong, Jylliew 10: U Bah AL Hek, nongialam ka Bharatiya Janata Party (BJP) haka jylla uba dei ruh u MLA na Pynthorumkhrah mynta ka sngi u la iathuh ba ka sorkar kmie kala pynthikna ba ka jingtyrwa ka jong u ban pynioh kyrdan iaka North Eastern Indira Gandhi Institute of Health and Medical Sciences (NEIGRIHMS) kum kata ka shlem kaba kongsan haka ri lane kata ka ‘Institute of National Importance’ (INI) ka dang don hapdeng ka jingpyrkhat bniah.

Haba kren sha ki lad pathai khubor, u Bah AL Hek u la iathuh ba ia kane ka mat, u la dep ban shimkhia bad u myntri barim ka sorkar pdeng uba dei khmih iaka tnad jongka koit ka khiah bad ba u la ioh ruh iaka jubab kaba long sngewtynnad.

“Ha kaba iadei bad ka INI jongka NEIGHRIHMS, nga la dep ban ai jingthoh sha myntri barim jongka kot ka khiah bad utei u myntri u la pyntip ba kane ka kam ka dang don hapdeng ka jingpyrkhat bniah” la ong u Bah AL Hek.

Sa pule ruh: Donkam Ban Bishar Bñiah Halor Ka Jingpyntreikam Ïaka ILP Bad MRSSA Haka Jylla: AL Hek

U Bah AL Hek ula ban jur biang ia kane ka jingtyrwa haka jingwan iuh kjat jong u JP Nadda, myntri jongka tnad ka koit ka khiah ka sorkar pdeng haka jylla ha kine ki khyndiat sngi ban plie paidbah iaka ARHI Hospital kaba don ha Jorabat. U la iathuh ba ki nongtrei jongka NEIGRIHMS kiba aiti ruh iaka dorkhas sha utei u myntri ka sorkar pdeng ha katei ka jingwan iuhkjat ka jong sha ka jylla.

“Ha kine ki khyndiat sngi haba u myntri ka sorkar pdeng ba dei khmih iaka tnad jongka koit ka khiah, u JP Nadda u la wan ban plie paidbah iaka hospital, nga la ioh ka lad ban kynduh ia u. Ki nongtrei ka NEIGRIHMS ruh kila aiti da ka jingthoh sha utei u myntri ban pynbna noh iaka NEIGRIHMS kum ka shlem kaba kongsan haka ri. U la ong iangi ba un bishar bniah bad pynthikna ianga ba un sa pynurlong ia kane ka jingtyrwa” la ong u Bah AL Hek.

Sa peit ruh