Nongpoh, Naitung 20: Katba kiwei ki dang ia muja ban peit ia ka Fifa World ka jingiakhun phainal hapdeng ka Spain bad ka Argentina, hynrei kiba bun ki longing ki mad ia ka jingshlei um kaba jur na ka jingther u lapbah shiteng synñia haduh ba la shlei sha ki ïing ki sem bad ki surokbah ha Ri Bhoi District.
Kane ka jingshah shlei um ka la ktah naduh ka thain Nongpoh shaduh Khanapara bad don ruh ha kiwei kiwei ki jaka ha Ri Bhoi District, ha kaba u lapbah u la pynlamwir bad pynsohsad ia kibun ki longing kiba hap ban bunkam tong um na ka jingshlei um.
Kine ki jaka ba shah ktha ha ka jingshlei um ki kynthup naduh Umajarsi, Mawdiangum, Nongpoh, Umlyngkdait, Umling, Umladoh, Byrnihat, Jorobat ter haduh shaduh Khanapara.
Kumba la sakhi ha kane ka jingshlei, ka umsaw ka la rung ym tang sha ki ing ki sem jong ki nongshong shnong bad ka umsaw ka la tap wat ia ki Petrol pump, ka Heath Sub Centre ha Umling bad ki ing ki sem lem bad kiwei kiwei ki jak aba shah ktah.
Peit ruh:
Haba kren halor kane ka jingshlei um, ki paidbah nongshong shnong ha ka surokbah National Highway-6 ha Ri Bhoi, ki hap ban mad ia kane ka jingshlei um man la u snem bad ka daw ka long ba ka jingrit ka nala um jong kane ka surokbah bad ka la pynkylla lanot pat ia kiba bun ki longing kiba hap mad ia ka jingshlei um.
Na kane ka jingshlei um ka la ktah ruh wat ia ka leit ka wan ki Kali paidbah, namar kaum ka la tap ia ka surokbah bad poi ruh wat shaduh ki ing ki sem kiba sah harud jong kane ka surokbah ha Ri Bhoi District.
