Hapdeng Surok kylla ka Bolero, kynnoh ba pynher sted bad ba la buaid u Dribar

Nongpoh, Naitung 14: Ki jingjia aksiden kali ha ka surok bah National Highway 06 ha Ri Bhoi District, ka la nang iai bteng man ka por, kaba la ju jia ruh tang namar ka jingianiah khlemakor bad bun kiba niah ha ryngkat ka jingiadih buaid ban wan ia leh sngewbha sha ka jylla Meghalaya da ki briew kiba nabar ka jylla, kum kane ka jingjia aksiden la sakhi biang mynta ka step jong ka 14 tarik Naitung ha ka por 9 baje eiei ha kaba kawei ka Mahindra Bolero ka la kylla hapdeng u surok bah ha ka thaiñ Sohbhala, Kaba hap hapoh ka Umsning Police Station.
Katkum ka jingiathuh da kiba la sakhi ia katei ka jingjia la iathuh, ba katei Mahindra Bolero kaba don ia u number AS 01 EH 2052, kaba la shong da ki riew kynthei ka la kylla khongpong hapdeng surok bah hadien ba u nongniah um shem la lah ban tehlakam shuh ia ka kali namar ka jingpynher sted palat ia ka kali bad la suba jur ba kiba shong ha kane ka kali ki don hapdeng ka jingshoh khawiang.
Na ka liang ki pulit ka Umsning Police Station tang mar ia ioh jingtip halor katei ka jingjia ki la hiar marmar ban pynlong ia ka jingtohkit bad ban tan noh ia ka kali sha thanad.