Ki pulit pyniaid kali ka Shillong Traffic Police ka East Khasi Hills naduh hynnin ka 23 tarik bad mynta ka sngi kila dain kuna haduh 109 tylli ki kali ba tah ïit iong.
Ia kane la pyntip da u Superintendent of Police ka East Khasi Hills Bah S Nongtnger bad ula ong ba ia kane ka jingdain kuna, la leh haka por khynra iaki kali tah ïit iong ha Nongbah Shillong.
U SP ula pyntip ba iaka jingdain kuna la leh kat kum ka Motor Vehicle Act bad pyntreikam ia ka hukum ka Iingkashari Supreme Court, ha kaba naka liang ka tnad pulit kala maham ruh kino kino kiba leh pyrshah kin ngat haka jingpynsajia bad dain kuna.
