Shillong, Iaiong 07: Ka da long shisha ka jingkmen bad ka burom ha kaba ka skul Gorkha Patshala Higher Secondary Shillong ha ka sien kaba nyngkiong mynta u snem kala ioh bat iaka kyrdan ba hakhliehduh haka eksamin Secondary School Leaving Certificate (SSLC)  hadien ba la pynbna mynta ka sngi ia ka reulsts da ka Meghalaya Board of School Education (MBOSE).

Kane ka skul ka la ioh rung ha kyrdan kaba nyngkong tam, ka dei hadien ba u samla Wangaal Lama ula ioh ban khur haduh 585 Marks naka 600 Marks bad bat ruh iaka kyrdan ba nyngkong ha kane ka SSLC examination 2026 ba la pynlong da ka MBOSE.

Ka Gorkha Patshala Higher secondary School nalor ba ka la ioh bat ha ka kyrdan kaba nyngkong, kala ioh ruh ban bat iaka kyrdan ba 7 bad 8 lyngba u Aaditya Thapa uba ioh 569 Marks bad u Sharat Chetri uba ioh 568 Marks.

Na ka liang u Principal katei ka skul u Amit Thapha, u la pynpaw ia ka jingkmen kaba khraw ba ka skul ha ka sien kaba nyngkong ka la wan ha ka kyrdan kaba nyngkong ha kane ka SSLC examination 2026, kaba dei lyngba u Wangaal Lama bad kane ka la dei ka jingjop kaba khraw ia ka skul ba kan dang lah ban kiew shaphrang ha ka liang ban kyntiew ia ka pule ka puthi.