Nongpoh, Ïaîong 07: Ka Ri-Bhoi District Cricket Association mynta ka sngi ka la plie pyrda noh ia kawei na ka lympung ialehkai Cricket ba la tip kum ka Pahamsning T20 Cricket Tournament ba la pynlong ha Madan ka Association ha Pahamsning, Nongkhrah.

Ia kane ka tournament la wan ban plie danu Bah Luistar Lyngdoh Acting Sirdar ka Elaka Nongpoh Sirdarship kum u kongsan bad la sakhi lang ruh da ka jingdon lang u President ka Association u Bah Rayonald Kharkamni, u Bah Ferdinald Kharkamni working President, u Bah Michael kharhunai Secretary, Nitesh Sharma BCCI Level2 Coach, Hemant Roy BCCI Level1 coach, Shankar Newar BCCI Level1 coach bad kiwei kiwei.

Ban sei madan ia ki sap ki phong ki samla ba don sap ha ka jingialehkai Cricket na Ri Bhoi, ka Association ka la pynlong ia kane ka Tournament da kaba ailad ban shim bynta naduh ki under 16, under 19, under 23 bad ki Senior.

Ha kane ka sngi plie la ialehkai hapdeng ka Pantah 12 panthers pyrshah ia ka  Nongkhyllem Tigers ha kaba ka Pantah 12 Pynthers ka la tied nyngkong ha kaba  hapoh 20over ka la ioh ban shna 155 run bad hap 7 wicket. Haba phai pat sha ka wat kaba ar ka Nongkhyllem Tigers ka la lah ban tied tang 110 run bad hap 9 wicket bad ka Pantah 12 pynthers ka la jop da 45 run.

Ia ka nam man of the match la rah da u Wallam kharbithai naka Pantah12 Panthers uba la ioh kamai 30 run bad pynhap 3 wicket.