Nongpoh, Nailar 22: Na ka daw ka jingbteng u slap ban hap ha kine ki sngi bad ha ka jingbym poi pyrkhat, hynnin ka sngi ha ka por 12.30 eiei mynsngi, kawei ka longïing ka la hap ban mad ia ka jingjia ba sngewsi ba ka ïing ka la shah tap ha ka khyndew kaba la twa kynsan ha katei ka ïing.
Kane ka jingjia ka la jia ha ka shnong Pahammawlein, 20mer ha Ri Bhoi District, ha kaba ka ïing ka sem jong ka Badahun Pyngrope bad u Bim Mawa kiba la don khun 4 ngut, ki la lait thaw na ka jingjia ba sngewsih, kaba dei hadien ka jingtwa kynsan ka khyndew ba ka ïing shet ja jongki ka la shah tap ha ka khyndew.
Ha kane ka jingjia, donbok bym ym shym la don briew ha ïing lait noh katei ka Longkmie kaba dang bam ja kaba la shu mynsaw na ka bynta ka met bad ki kjat ha katei ka jingjia.
Ka Kong Badahun ha ryngkat ki ummat ka la iathuh ba kane ka dei ka sien ba nyngkong ba kan lap kumne ka jingjia, hynrei ka ai nguh ia u Blei ba ka khlem jia kaei kaei kaba snhewsih bad lait noh ka jingduhnong ka la poi sha ki 2 lak eiei halor ka jingjulor ki tiar ki tar bad ki jingdon jingem. Ka la buh ruh ka jingkyrpad ia ki seng bhalang ne ki ophis sorkar ba kin phai khnat lem lyngba ki lad jingiarap halor kane ka jingjia.
Halor kane ka jingjia, naka liang u Rangbah shnong ruh u Bah Kyrngun Sylliang u la buh da ka jingkyrpad iaka sorkar bad ki nongmihkhamat ba kin ai lem ia ki ki lad jingiarap naka bynta kane ka longing kaba la shem hakane ka apot bad naka liang ka dorbor shnong ruh kan wad hi ia ki lad ki lynti ban ai jingiarap ia kane ka Longïing.
