Hadien ka jingthmu jong ki runar ban siat iap ïa u Donald Trump u President barim ka United States of America, katba u dang ïalap elekshon ha Pennsylvania ki bor pulit jong katei ka ri kila ioh ban pynjem khnap bad pyniap ia u runar ba donkti ha katei ka kam.
Katkum ki tyllong khubor la ioh jingtip ruh ba ka kynhun tohkit jong ka Federal Bureau of Investigation (FBI) kila ithuh ïaka kyrteng utei u runar kum u Thomas Matthew Crooks (20) na Bethel Park, Pennsylvania u ba la shah siat iap ruh haki pulit bad ka jingtohkit mynta ka dang ïaid shakhmat ryngkat ka kynhun jong ka US Secret Service.
Kum ban shu pynpaw ha katei ka jingjia u Donald Trump u la shah siat naka bynta ka shkor ka mon hadien ka jingshah synreit kuli, bad uwei u briew u la khlad naka jingmynsaw katba 2 ngut ki don hapdeng ka jingmynsaw jur.
