Nongpoh, Risaw 28: Ban pynshlur ia kiba bun ki khun samla ban mih shakhmat ba ai sngewbha ia ki snam ban pynim ia kiba bun ki mynsiem ba kordor, ka Loompyrdi Iongpiah Dorbar Chnong lyngba I Duk I suk Committee bad ha ryngkat ka jingiatrei lang bad ka Jowai Civil Hospital Blood Bank haka Sngi Saitjain kata ha ka 26 tarik Risaw kala pynlong da ka Voluntary Mass Blood Donation ne ka jingai snam mon sngewbha.
Shwa ba ki samla kin mih shakhmat ban synniang sngewbha ia ki snam, la pynlong ruh ia ka jingialang ha
Iungwalieh ka Dorbar Shnong ba la pyniaid da u Chairman I Duk I Suk Committee u Ribait OO Pde bad ruh ka jingkren lyngkot na u Waheh Shnong u ma RL. Bimee Suwer.
Ha kane ka sngi, ki don haduh 13 ngtu ki dkhot katei ka Committee kiba la pynpaw ia ka jingkylluid mynsiem ban mih shakhmat na ka bynta ban synniang ia ka snam ha ha ka Blood Bank katei ka Civil Hospital Jowai.
Na ka liang ka Dr. I Khyriem Senior Medical & Health Officer Jowai Civil Hospital Blood Centre, haba kren ha kane ka sngi ka la ai ka jingiaroh kaba khraw ia kane ka sienjam ba la shim khia da ka I Duk I Suk Committee ban pynlong ia kane ka jingai snam ei bad ka jingmih ki khun samla shakhmat ban ai ia ki snam ka long kawei na ka lad kaba ngi lah ban pynim ia shibun ki mynsiem ba kordor kiba donkam ia ka snam ha ka pang ka shitom.
