Shillong Naitung 14: Kawei ka Trok kaba don ia u registration number AS 31 C 1788 ka la leit ban tynrah ia kawei ka Alto kaba don ia u registration number ML 10 A 0785.
La iathuh ba hadien kane ka jingjia u nongniah jong katei ka trok u la phet noh na katei ka jaka ba jia shah tynrah.
Kane ka jingjia aksiden ka la jia mynta ka miet ha kapor kumba 8:20 minit eiei hajan ka lad ban leit sha ophis Shillong Municipal Board.
La iathuh ba ka kali Alto kadei kaba la long trai da u Amar Singh bad kaba la niah da u Milan.
Ha kane ka jingjia aksident ym shym la don ba mynsaw lait noh tang ka jingjot bad pra ka kali Alto ba shah tynrah na khmat.
Na ka liang ki bor pulit ki la wan poi ha katei ka jaka bad ki la tan noh ia katei ka kali ba shah tynrah.
