Nongpoh, Iaiong 04: U Driver ka Maruti 800 bad u paralok kibla lait salit na ka jingmynsaw hadien ba katei ka Kali ka la shah syllad ha ka trok bad ruh ba katei ka Maruti ka la leit ban tynrah ia ka kynroh ba ieng ap kali ki pulit kaba don ha Pahamsyiem ha ka surokbah National Highway-6 ha Ri bhoi.

Kane ka jingjia ka la jia mynta ka step ha ka por 11 baje ei ei ha kaba katei ka Maruti 800 kaba don ia u number ML 10 C 6892 ka dang wan thied tiar ïing na ka dukan Hardware bad hadien ba ka dang mut jam sha Shillong surok ka la shah syllad ha ka trok kaba don ia u number AS 01 RC 8435 ba la niah da u Anand Ali uba dang wan na Guwahati ban leit sha Shillong.

Katei ka Maruti 800 pat la niah da u Bah Markus Mawphniang na ka shnong Korstep bad uba don lang pat la tip kyrteng kum u Simon Maring kiba la lait na ka jingnynsaw bad lait noh ka jingjulor katei ka Kali.

Halor kane ka jingjia ki Pulit ka Nongpoh kinla wan poi mardor ban pynlong ia ka jingtohkit bad ban leh kat kum ki kyndon ka ain ha kaba haduh mynta ym pat lah ban batai Mano ba bakla halor kane ka jingjia.