Guwahati, April 04: Sa tang san sngi ba ki paidbah ka jylla Assam kin pynthymmai ia ki nongmihkhmat sha ka ïing Dorbar thaw ain hapoh ka jylla Assam, kawei na ka kyrtong kaba dang rit tam ka rta ba la tip kum ka Kunki Chaudhury kaba ia khun na ka AJP party na ka Central Guwahati Constituency ka la pynkhihwin ia ki paidbah hapoh ka jylla Assam halor ka thong ba ka thmu ban wan rah ki jingkylla lada ki paidbah ki pynkupbor ia ka.

Kum ban pynkynmaw, ka 9 tarik u April 2026, kan dei ka sngi ba ki paidbah ka jylla Assam ki ai ia ka rai ban pynjop ia ki kyrtong ha ki 126 tylli ki Constituency bad kumba la sakhi shuwa ban poi katei ka sngi thep vote ka Samla Kuni Chaudhury kaba ia khun na Central Guawhati Constituency ka la pynkhih win bha kum kata ka kyrtong kaba dang rit tam ka rta ha ka rta kaba 27 snem kaba ia khun na katei ka Constituency.

Kumba la pynpaw da ka Samla Kunki Chaudhury, kum ka kyrtong ba dang rit tam ka rta ha kane ka election MLA ha jylla Assam, ka la ong ba lada ki paidbah kin pynjop ia ka kum kata ka Nongmihkhmat, kan phai khmat kyrpang ban wan rah jingkylla ha sorbah Guwhati.

La sakhi ruh kum ka kyrtong ba dang rit tam ka rta ka la dang ioh mynsiem katba dang mih ki sngi, namar ka jingkyrshan ba radbah ki paidbah halor ki nongrim ba ka khlei sha ki paidbah lada ka la jop ha kane ka election na katei ka Constituency.