Nongpoh, Risaw 21: Ka RiBhoi District Executive Force (DEF) mynta ka sngi ki la pynlong ia ka sngi leh burom ia ki riewshlur kiba la aiti iala ka jingim ha ka madan thma ban iakhun ia ki kam sniew ne ka jingshakri kaba ki aiti ia ka jingim na ka bynta ka shongsuk shongsain ki paidbah hapoh ka jylla.

Ia kane ka jingrakhe la pynlong ha phyllaw ka ophis u Superintendent of Police ka Ri Bhoi, ha kaba la sakhi da ka jingdon lang u SP ka RiBhoi u VS Rathore, u Additional SP u Bah Orville Massar, ki ophisar bad ki dkhot Jong ka RiBhoi DEF. La wan ban ia shim bynta ruh da ki bahaiing Jong kitei ki riewshlur kaba la pynrhem ia kane ka jingkynmaw burom ia ka Jinglen lade bad ka jing aiti iala ka Jing im Jong kitei ki riewshlur na ka bynta ka shongsuk shongsain Jong ki paitbah

Ha kane ka jingpyndonburom la pynlong ruh iaka ka jingbuh syntiew kum ka ka dak Jong ka jingsngewieid bad burom. U SP bad ki ophisar ki la pynkynmaw ruh ia ka mynsiem ba shynrang, ka Jinglenlade bad ka jingshakri Jong kine ki riewshlur, bad bynrap ruh ba ka jingkynmawburom bad jingsngewnguh ia kiba la aiti iala ka jingim na ka bynta ka jingshakri ia ka ri ka long ka bynta ba kongsan ha ka jingim Jong ngi kum ki briew

Shuh shuh, u Superintendent of Police u la pynpaw ruh ia ka jingsngewnguh kaba khraw ia ki bahaiing Jong kitei ki riewshlur bad kular ruh ba ka ophis kan iai burom bad sngewnguh ia ka jingshlur, ka jingtreihok bad ka Jing lenlade Jong ki

La pynwai ia kane ka jingleh burom da ka Jing sngap jar kaba shi por kum ka dak ka jingburom ia kine ki shipai Jong ka police department kiba la kloi ban lenlade ia la ka jingim na ka bynta jong ka ri,