Nongpoh, Nailur 19: Na ka liang ki nongïalam jong ka shnong Lamalong mynta ka sngi ki la wan shakhmat ban pynshai paidbah ïa ka jingpyntreikam ïa ka skhim sorkar kaba wan na ka tnad soil and Water Conservation ba kum ka shnong ka la pyntreikam ïa kitei ki skhim khlem da don kano kano ka jingbakla b akum ka shnong ka sngewsih ban iohi halor ka jingkynnoh bam sap kumba la mih ha ki lad pathai khubor ha kine ki khyndiat sngi.
Na ka liang ki nongïalam shnong ka Shnong Lamalong ha ka jingïalam u Rangbah Shnong u Bah Rollingstone Mangu ki la mih ban pynshai sha ki lad pathai khubor, ka dei hadien ba ka seng CSWO ka la kynnoh ba ka don ka jingbam sap ha kaba pyntreikam ïa ka skhim kaba wan na ka tnad Soil and Water Conservation na Ri Bhoi District.
Haba mih ba kren sha ki lad pathai khubor, u Rangbah shnong ka Shnong Lamalong u Bah Rollingstone Mangu, u la ong ba ki jingkynnoh bad Kynthoh daka seng CSWO halor ka kam bam sap ha katei ka skyim ka dei kaba bakla, namar kum ka Shnong ka la pyntyllun ïa ka kam ha kata ka lynti ka beit ba biang bad ym ba ka don kata ka jingbamsap.
U la pynshai ruh kumba la kynnoh ba ka jingai pisa sha kiba dei ban ioh ïa ka skhim la shu ai da ka pisa pliah bad kam shym la long kumta bad naduh ba u la shim ïa ka kam rangbah shnong ïa ka hok jong kiba ioh jingmyntoi la phah beit sha ki bank account jongki.
U la ïathuh ruh ba ka Committee shnong kam shym la shong khli kti ha kaba ïadei bad ka roi ka par kumba la mih ka jingkynnoh hakaba ïadei bad ka iingskul bad ka bording elektrik, u la ïathuh ba naka liang ka shnong haki taïew ba la leit ka ladep phah daka shithi sha ka tnad Pule Puthi ban pan ïaka iingskul kaba thymmai katba ïaka bor ding electric naka liang ki Engineer ki la dep wan Jurip ïa kane ka shnong bad shen ba ka shnong kan sa ioh ïaka bording kaba tikna.
Pule ruh: Pynshai U President BJP Ri Bhoi Halor Ka Jingiehnoh Kam U Bah Blessedson Dkhar
Shuh shuh, u la pynpaw ruh ba hakaba ïadei bad ki kam jong u Rangbah shnong barim un nym lah ban bah Khlieh bad naduh ba shimti ma u ïa ka kam Rangbah shnong u la pyntrei bad pyntyllun ki kam katkum haka rukom kaba dei ban leh.
Ha kane ka sngi, kiwei kiwei ki Paidbah ruh kiba dei ki Nongïoh jingmyntoi (Beneficiary) na katei ka skim ki la mih ban ïathuh ba ïaka pisa jong ki la phah beit lyngba ka bank account bad bun naki, ki ioh lut ïaka pisa hakaba ïadei bad katei ka skim bad ki la pynpaw ruh ba ki sngewhun haba ki ioh pdiang ïa kum kine ki skim hapoh ka shnong ka thaw.
Peit ruh:
Haba pynshai ruh halor katei ka skhim, u Rangbah shnong, u la ong ba ïa katei ka skim la pynmang 2.29 klur tam naka bynta ka roi ka par hapoh ka shnong Lamalong, hynrei ba la pynlait pat naka tnad Soil ha kapor ba la shimti ma u kum u Rangbah shnong ba thymmai ka dei tang 52 lakh tyngka bad u la pyntip ruh ba ki don 30 ngut ki Nongïoh jingmyntoi kiba la ioh pdiang ïaka pisa katba 28 ngut pat kiba dang sah teng bad ym pat lah siew dep.
