Mairang, Jymmang 31: Ka Khasi Jaintia Raw Material Suppliers Association ha ka jingialam u Bah Thomas Pasah kum u President bad u Bah Liverpaul Kharbani kum u General Secretary hynnin ka sngi Saitjain ki la pynlong da ka jingiakynduhlang jong baroh ki nongialam bad ki dkhot ban ia kren ne ia tai halor shibun ki mat ba ka Association ka ia kynduh jingeh.

Ia kane ka jingialang la pynlong Dorbar Hlla Pyndeng Umiong ha Mairang ha kaba ki nongialam bad ki dkhot na kylleng ka Ri Khasi – Jaintia ki la wan ban shim bynta ban ia kren na iatei sani halor kam jong ka Association ha kaba ia ka jingialang la pyniaid da u  Bah Thomas Pasah.

Lyngba jong kane ka jingiakynduhlang, ka Association ym tang ba ka la ia kren ia shibun ki kam jong ka Association, hynrei ha kane ka sngi la ai ruh ia ka report jong ka jingtreikam ka Association sha ki nongialam bad ki dkhot ka Association.

Sa pule ruh | Nga La Leh Shibun Ki Mat Ba Ktah Ïaka Jaid Bynriew, Shwa Ban Tyrwa Kum U Kyrtong NPP: Dr. Nonglait

Kumba la pynpaw da u Bah Liverpaul Kharbani, General Secretary ka Association la ong ba ka jingthmu jong kane ka jingialang ka long ban ia kren halor ka jingeh jong ki para dhot kum kita ki nongshalan mar ha ka jylla.

U la ong ruh nalor shibun ki mat treikam ba la pynpaw ha kane ka jingialang bad ka bynta kaba hakhmat ka long ban peit kyrpang ia ka jingeh jong ki para dkhot kum kita ki nongshlan mar la ki dei sha ki karkhana ne sha kano kano ka jaka ba kim dei ban sha khniot bein ha ka sorkar ne sha ki karkahna shimet.

“ngi ia lum lang kumne ban ia kren sngewthuh para dkhot bad lada don kano kano kaba ngi shah ktah kum kita ki nongshalan mar ha ka jylla ngim banse ban shim kita ki lad ban ia kyshan lang na ka bynta ban lah ban pynim jakpoh ia ka ka ing ka sem” ong u Bah Kharbani.

Sa Peit Ruh