Sohiong, Jymmang 31: Haba leit ialap election na ka bynta ka MP election shiteng samoi hynnin ka sngi ha Sohiong ban pan ka jingkyrshan na ki paidbah ka thain Sohiong, u Dr. DRL Nonglait kum u kytong ka NPP, u la ong ba u angnud ba ki paidbah kin pynjop don byrom ia u ha kane ka election, namar ka jingshim rai jong u ban iakhun ha kane ka election kam dei satia ba u dei tang u kyrtong jong ka party NPP hynrei u dei u kyrtong jong ki paidbah ka jylla hi baroh kawei.
“ Nga pdiang ban long kum u kyrtong ka NPP ha kane ka election shiteng samoi kam dei satia kaba nga la shu pdiang tang ban ioh iakhun election, hynrei nga la dep shim shibun ki mat ki jura (Issues) kiba ktah ia ka jaid bynrew bad nga don ruh ka jingangnud ba lada ki paidbah kin pynjop ianga ngan lah shuh shuh ban ia said ne ia khun na ka bynta ka jingmyntoi ka jaid bynriew” ongu Dr. DRL Nonglait.
U la ong ruh ba kum u kyrtong ka NPP um kwah ban don ka jingiahrut ne ia kawang ktieh para jaid bynriew bad u kwah ban don ka jingiasuk ka jingaitylli khnang ba kano kano ka rai kaba ngi shim kan da long ka jingmyntoi ia ki paidbah .
Khnang ba un poi sha ka thong jong ka jingjop ha kane ka MP election shiteng samoi, u DR. DRL Nonglait u la kyrpad ia baroh ki paidbah ka Sohiong ba kin ia mih ryntih ha ka sngi thep vote bad ruh ban kyrshan ia ka NPP da kaba nion ha ka symbol jong ka ko tba lada ki paidbah kin pynjop ban wan rah kata ka jingkylla ym ka jingkylla kaba hiar sharum bad ka jingkylla kaba kiew shaphrang na ka bynta ka jingbit jingbiang jong u paidbah hapoh ka jylla, u la bynrap.
Sa Peit Ruh
