Ka Seng Hynniewtrep Youth Council (HYC)Nongkasen Area Unit mynta ka sngi ka la leit syndon ban kynduh ia u Medical & Health Officer ka ka Markasa PHC, kaba dei hadien ba ka la ioh ka jingujor na kiba ba bun ki paidbah halor ka jingbym biang ka jingai jingsumar bad ruh halro ka jingbym burom ki Nurse ia ki nongpang.
Ka seng hadien ba ka la dep ban ia kynduh ia u Doctor, ka la iathuh ba u Doctor u la kular ban shim khia ia kane ka kam kaba ia dei bad ka jingujor ki paidbah bad ruh ban tehlakam ia k Nurse kiba ym burom ia ki nongpang.
Ka seng ka la pynpaw ruh kumba la iathuh da u Doctor ka long shisha kaba eh ban ai ka jingshakri kaba paka ia ki nongpang namar ha kane ka PHC don tang ma u marwei u Doctor bad ka jingshakri kane ka pHC ka long kumba 70 tylli ki shnong.
Ha kaba ia dei bad kane ka jingeh, na ka liang ka seng ka la kyrpad ruh ia ka sorkar ba kan pynbiang ia ki jingdonkam ha katei ka PHC bad khamtam ban thung shuh ki doctor bad ban pynbiang ia ki jingduna kiba don hapoh kane ka jaka ai jingsumar khnang ba ki paidbah ki ioh ia ka jingsumar kaba paka ha ka pang ka shitom.
