Na ka daw ka jingjur jong u lapbah bajur, ka surok shnong Nongnah ba ha South West Khasi Hills District, ka la shlei da ka umsaw bad kane ka la wan rah ka jingjynjar ia ki paidbah ba leit ba wan lyngba katei ka surok.
Kumba la sakhi, wat haduh ba la rang u slap, ka jingshlei um ha katei ka surok la dang neh bad ka la don ruh ka jingdheng kali kaba shipor, kaba dei na ka daw ba ka um la la tap ia ka surok bad wat ka jingkahdum u lyoh ia ka surok.
La ioh lum jingtip ruh, ba ki paidbah kiba leit ba wan da ki Kali na na Mawkyrwat sha Ranikor bad ruh na ki nongshong shnong kila iathuh ba kala don ka jingsahkut ki kali da ki kynta ha kane ka jaka.
Shuh shuh, la ong ruh ka shnong Nongnah, ka dei kawei ka shnong kaba jur bha u lyoh bad wat ha ka por mynsngi lada hap slap ne dum ka suin bneng, ki paidbah ki kynduh jingeh ha ka leit ka wan na ka jingwan kah dum u lyoh bad lada sniew lei sa ka surok ka long kaba jynjar ia ki paidbah ha ka leit ka wan, kaba na ka jingsniew ka surok ba ka um ka la khlong ia ki maw na katei ka surok ba kum ka tnad PWD ka donkam ban maramot khnang ban suk ki paidbah ha ka leit ka wan.
