Nongpoh, Jylliew 09: U MLA bad MDC ka Nongpoh u Bah Mayral Born Syiem bad u Bah Balajied Rani haba leit kynduh ia ka Kong Bindas Syiem kaba la leit ban shah thngan ha Secretariat ki la buh syndon da ka jingduwai kaba kyrpang ia ka Kong Bindas Syiem bad kumjuh ruh ia ka jingangnud ki paidbah ka thaiñ Umden ba katei ka surok kan urlong noh kumba la angnud da ki paidbah.
Kum ban pynkymmaw, ka Kong Bindas Syiem ka la leit ban shah thngan ha Secretariat ka dei halor ka Nongrim jong ka jingsniew palat ka surok na Nongpoh-Umden shaduh sha Sonapur bad kum ka Longkmie ka pynpaw ne dawa ba ka sorkar ka dei ban siang rong ne shna thymmai ia ka surok kaba dei halor ka Nongrim ka jingjynjar bad shitom ki paidbah ha ka leit ka wan na ka daw ka jingsniew palat ka surok.
Haba ia kren bad u Nongthoh Khubor, u Bah Maryal Born Syiem, u la ong haba leit ban kynduh ia ka Kong Bindas Syiem ha ka sngi Saitjain ha Secretariat ha ka jaka ba ka la leit ban shah thngan bad kum u MLA bad MDC ki la pynlong da ka jingduwai kaba kyrpang ba kane ka jinganngud jongka bad ki paidbah kan sa urlong noh, ha kaba ka long ruh kaba don Nongrim ba ki paidbah ki la shah shitom shisha ha ka leit ka wan na ka daw ka jingsniew jong ka surok.
U la ong ruh kum u MLA ka Nongpoh u la buh ruh da ka jingkyrpad kaba sngewrit ia ka Kong Bindas Syiem ba kan sangeh shuwa ia ka jingshah thngan bad ka daw hi ka long ba kum u MLA ruh u la dep ban ia kren sha u myntri sorkar ka tnad PWD bad sha ki bor sorkar ba ki dei ban pynsted noh ia ka kam ban siang rong ia katei ka surok kaba u la ioh ruh ka jingkular na ki bor sorkar ba shen kin sa shim khia na ka bynta ban pynbha noh ia katei ka surok.
Shuh shuh, u la ong ruh ngi la pynlong da ka jingduwa kaba kyrpang ban halor kine ki jingangnud ka Kong Bindas Syiem bad ruh ka jingangnud ki paidbah ban ioh noh ia ka surok kaba bit ba biang bad kum ki MLA bad MDC ruh ka kamram jong ki ka long ban buddien ne ban dawa na ka sorkar ba ka dei ban phai khmat sha kane ka jingeh ki paidbah kaba kum u MLA ruh u la ioh ia kata ka jingkular na ka bor sorkar jong ka sorkar Meghalaya, u la bynrap.
BUH JINGDUWAI KYRPANG U MLA BAD MDC NONGPOH HALOR KA JINGSHAH THNGAN KA KONG BINDAS SYIEM
