U Narendra Modi u ban sa bam smai biang kum u Myntri Rangbah duh ka ri haka sien kaba lai, mynta ka sngi u la lum da ka jingïalang jong baroh ki MP ki ban sa don ruh haka kynhun myntri ban ïa dih sha lang hashuwa ka jingbam smai ka ban sa long ha Rashtrapati Bhawan mynta ka sngi u Blei.
Naka liang u Narendra Modi u la bthah ruh ïa kitei ki kynhun MP ban pynkhreh bad shna ki buit treikam naka bynta 100 sngi bad ban pyntreikam ïaki mar sien dep ka jingbam smai bad u la ai khublei ruh ïa baroh ki MP halor ka jingjop jong ki bad kyntu ruh ba kim dei ban shah ïalam bakla haka jingtreikam jong ki.
Ngi donkam ban bteng ïaka mat Viksit Bharat bad ki kam pynroi kin ïaid beit shakhmat khlem sangeh lane jingthud, la ong u Modi.
Lah ruh ban kdew hangne ba u Narendra Modi un bam smai mynta ka sngi u Blei haka por kumba 7:15 eiei janmiet bad khmih lynti ruh ba naka liang ki nongïalam jong ki ri ba marjan jong ka India kin wan ban sakhi lang ha katei ka sngi.
SHNA ÏAKI BUIT TREIKAM 100 SNGI BTHAH U MODI ÏAKI MP BAN RUNG HAKA KYNHUN MYNTRI
