Ha ka jingwan u Amit Shah, Yn ia kren shwa iaka ILP bad ka Ktien Khasi bad Garo: Prestone

Shillong, Jylliew 03:  U Symbut myntri rangbah ka jylla u Bah Prestone Tynsong mynta ka sngi u la ong ba ha ka jingwan iuhkjat u Amit Shah kum u Myntri ka tnad ka kam pohing ka sorkar pdeng sha ka jylla Meghalaya, ka phang kaba kin ia kren shwa lada ioh lad ki kynthup ia ki mat ba dang sahteng ha ka jylla bad kata dei ka jingdonkam ban pyntreikam noh ia ka ILP bad ruh ban pynrung ia ka ktien Khasi bad Garo ha ka khyrnit kaba phra jong ka riti synshar ka ri.

U la ong ruh ba ka jingwan iuhkjat u Amit Shah sha ka jylla Meghalaya, ka dei ban iakren halor shibun ki kam pynroi bad ban pynkhlain ia ki bor pahara ha ki jylla shatei lam mihngi ka ri India, hynrei ka sorkar lada ka ioh lad kan kren kyrpang ia ka ILP bad ruh ban ka jingdonkam ban pynrung noh ia ka ktien Khasi bad Garo ha ka khynit ba phra ka riti synshar ka ri.

Sa pule ruh: Ba la suk ka leit ba wan lyngba ka surok NUS, leit ai khublei ka MDC bad ki paidbah ia u Bah Prestone

U la kren shai ruh ba ha kane ka jingwan u Amit Shah, ka jingthmu ka dei na ka bynta ka NEC Plenary ban iakren halor ki kam pynroi bad wat la katta ruh lada don lad kin ia kren kyrpang shuwa ia ka ILP bad ka ktien Khasi bad Garo bad haka ia dei bad ka surok Rel pat u la ong ba kin buh shwa kham hadien bad kam shym mut pat ba iaka surok rel yn sangeh noh ha kaba kane ka mat ka dang iaid shakhmat ban ia kren sngewthuh na baroh ki liang.

Shuh shuh, u la ong ruh ka sorkar kan pyrshang ban ia kren ia kitei ki mat jingdawa u paidbah ha ka jylla naduh ka ILP bad ka ktien Khasi bad Garo bad nalor kata ha kaba iadei bad ka ILP lei ka la dep ioh lypa ka jingmynjur na baroh ki 60 ngut  ki MLA hapoh ka ing Dorbar thaw ain ka jylla, u la bynrap.

Sa peit ruh