Nongpoh, Jylliew 03: Ka Kong Rona Khymdeit, MDC Nongpoh ha ryngkat ki paidbah bad ki nongialam shnong bapher bapher kiba pyndonkam ia ka surok Nongpoh-Umden-Sunapur (NUS) mynta ka sngi, ki la kiew sha Nongbah Shillong, ban leit ai khublei kyrpang ia u Bah Prestone Tynsong bad ia ka sorkar jylla, hadien ba ka surok ka la pynurlong ia katei ka surok bad kaba la pynsuk eh ia ka leit ka wan ki paidbah, kiba pyndonkam ia katei ka surok.
Haba iadei bad katei ka jingleit kynduh ia u Bah Prestone Tynsong, ka Kong Rona Khymdeit, ka la ong ba ha kine ki snem kiba la dep ba ki paidbah ha ka thain, kata naduh Marngar sha Umden bad shaduh Marmain, ki paidbah ki shem jingeh palat ha ka leit ka wan, namar ka jingsniew palat ka surok, hynrei naduh ba ka sorkar ka la pynurlong ia katei ka surok, ka la pynsuk shisha ia ka leit ka wan ki paidbah, kata naduh Nongpoh-Umden bad shaduh Sunapur.
Haba ngi pan bad ka sorkar ka la ai bad naduh ba ka sorkar ka la ai, ngim pat iohlad ban ai khublei ia ka sorkar, kumta mynta ka sngi ngi wan ban kynduh ia u Bah Prestone Tynsong, ka long tang ban wan ai khublei ia u bad ia ka sorkar, namar ka la ai ia katei ka surok bad kaba la long ka jingkyrkhu kaba khraw eh ia ki paidbah ha ka thain Umden hi baroh kawei, ong ka Kong Rona Khymdeit.
Sa peit ruhÂ
