Shillong, Jylliew 3: U Bah Prestone Tynsong Symbud Myntri Rangbah ka jylla haba kren sha ki lad pathai khubor mynta ka sngi u la ong ba hadien ka jingïakynduh lang u CEM ka Karbi Anglong Autonomous Council, ki heh ophisar ka jylla Assam lem bad u Symbud Myntri Rangbah ka jylla u Bah Sniawbhalang Dhar hynnin ka sngi haka jingdonlang ki Rangbah Shnong naki shnong khappud ka jylla Assam bad Meghalaya, la shim ïaka rai ba ka rep ka riang ki paidbah ka thaiñ Lapangap kam dei shuh ban shah pynthud nangne shakhmat bad ba ki paidbah ki dei ban pynneh ïaka shongsuk shongsaiñ ha katei ka thaiñ khappud abd kin bteng ïaki kam ki jam jong ki kumba ju long.
U Bah Prestone u la ong ba ha katei ka jingïakren la rai ba ki kam rep kam riang kim dei ban sangeh nangne shakhmat bad kam dei ban don ka jingpynthud ïaka shongsuk shongsaiñ.
Ha kaba ïadei bad u pud u sam u Bah Prestone u la ong ba shen ka sorkar jylla jong ka Assam bad Meghalaya kin sa bteng biang ïa ka jingïakren shen ha kaba naka liang u Myntri Rangbah ka jylla Assam u la kloi ban pdiang ïaka jingïakren pynbeit pud biang.
Sa peit ruh
