Da ka jingangnud ban tem bad tehlakam ïaka jingshalan ïa u drok, ka tnad Customs (Preventive) North Eastern Region mynta ka sngi kala pynjot ïaki drok ba shongdor kumba T. 167.47 klur bala ioh kurup da ka tnad Customs, shibynta ka jingrakhe ïaka International Day against Drug Abuse and Illicit Trafficking haka jylla Meghalaya, Assam, Manipur bad Mizoram.
Kitei ki drok bala pynjot mynta ka sngi ki kynthup kumba 12.48 kilo u drok Heroin, 45.27 kilo ki dawai kuli Yaba, 5804.78 kilo u Ganja bad 66,728 bilor ki dawai jyrhoh ba long beaiñ bad ïa kitei ki drok la pynjot ïaki haka jaka kaba la pynkhreh kyrpang ban lait ka jingktah ia ki paidbah.
Naka liang ka tnad Customs kala shim ruh ka sienjam bad ka thong ban wanrah ïaka imlang ka sahlang kaba lait na u drok bad ki jingdih buaid bad ban ai jinghikai ruh sha ki paidbah lyngba ki awareness program ban tehlakam ïaka jingjyllei u drok.
