Tang hadien bala kut ka jingpyntreikam ïaka Model Code of Conduct haka jylla, ka sorkar kala pynmih ïaka hukum ban pynkynriah kam ïa katto katne ki ophisar IAS ki ban shimti kum ki Deputy Commissioner haki District bapher bapher.
Ka Kong RM Kurbah kaba dei ka Secretary jong ka sorkar jylla, Community and Rural Development bad kiwei kaba dei ruh ka Director ka tnad C&RD kan sa shimti kum ka Deputy Commissioner ka East Khasi Hills District, katba u SC Sadhu Deputy Commissioner ka East Khasi Hills un sa leit ban shimti kum u Secretary ka sorkar jylla, ka tnad C&RD, Fisheries, Animal Husbandry and Veterinary, Water Resource bad kum u Director ka tnad C&RD.
U A Baranwal Deputy Commissioner ka East Jaintia Hills District un wan ban shimti kum u Deputy Commissioner ka Ri-Bhoi District.
U S Awasthi Deputy Commissioner ka South Garo Hills District un leit ban shimti kum u DC ka East Jaintia Hills District.
U Pilot R Marak u ba dei ruh u Additional Deputy Commissioner bala kham rangbah ka South Garo Hills District un shimti ïaka ophis u Deputy Commissioner ka South Garo Hills District.
PYNKYNRIAH KAM KA SORKAR ÏAKI DEPUTY COMMISSIONER HAKA JYLLA
