U MLA ka Nongkrem constituency u Bah Ardent Miller Basaiawmoit hynne ka sngi ula pyllait paidbah ia ki skhim shaki paidbah ka constituency bad la sam ruh ia kine ki kam pynroi ha kaba shit ba shai hakhmat ki paidbah sha kito ki nongioh jingmyntoi na ka Nongkrem Constituency.
Kine ki skhim ba la sam paidbah mynta ka sngi ki kynthup T.2.50 klur naka skhim SRWP bad T.3 lak naka ISYDP naka bynta u snem 2023-2024.
U Bah Ardent Miller Basaiawmoit kum u MLA ka Nongkrem Constituency, u la shim ia ka bynta ba kongsan ban sam ia kitei ki kam pynroi lyngba ka jingmang tyngka na kitei ki skhim bad ki nongioh jingmyntoi ruh ki la pynpaw ia ka jingkmen kaba khraw hadien ba la ioh pdiang ia ka song pisa ba la sam paidbah mynta ka sngi.
Na ka skhim SRWP 2023-2024, u MLA ka Nongkrem ula mang T. 45 lak naka bynta 60 tylli ki longing ba duk, kata mar T. 75,000 kawei ka longing, T.25,000 sha kawei ka longing naka bynta ban pynbha ne pynkha kamra thymmai, T.10,000 sha ki 500 ngut ki nongsengkam lajong bad nongkhaii, la mang T. 20 lak naka bynta ka skul Pomlakrai Presbyterian Secondary School, Pomlakrai Mawtharia.
La mang T.12.50 lak naka bynta ka Lumkynsai Presbyterian L.P & UP School, Smit, T.15 lak iaka Nongkrem Presbyterian Secondary School, Nongkrem Mawpynthaw, T.10 lak ia ka St John Bosco, Laitkor Mawrie, T.10 lak iaka H. L. Mizo L. P. School Madanrting, Them Basuk, T. 25 lak iaka Hedrik Memorial Unitarian Upper Primary School, Nongkrem Nongkyndong, T. 15 lak ban pynbha iaka madan ialehkai phutbol ka Laitkor, T.15 lak naka bynta ka Mawpynthaw Football ground bad T.50 lak naka bynta ka Reach Shillong Ministries School Laitkor Mawarliang.
Haba phiah lyngba ka skhim ISYDP 2023-2024, u MLA ula mang T.50,000 ia ka Madanrting Sports Club, T.50,000 iaka Pomlakrai Sports Club, T. 50,000 iaka Dongmusa Umphyrnai, T.50,000 iaka Smit Sports Club, T.50,000 iaka Umphrup Sports Club bad T.50,000 Nongkrem Sports Club.
