Nongpoh, Nailur 27: Ban ia tynrong lem ia ki jingeh ba ia kynduh ki Contractor bad ki Supplier hapoh ka thaiñ Nongpoh bad na ka bynta ka jingiabit ia biang lang ha baroh ki liang, ki Contractor bad ki Supplier na ka thaiñ Nongpoh ki la wan rah da kawei ka Association ba la tip kum ka Nongpoh Area Contractor & Supplier Association (NAC&SA), kaba dei ka kynhun kaba shakri na ka bynta ka jingbit jingbaing lang ki Contractor bad ki Supplier ha ka thaiñ Nongpoh.

Haba ia kren sha ki lad pathai khubor, u President ka Nongpoh Area Contractor & Supplier Association, u Bah Pynroilang Shylla bad ka Kong Bindas Syiem kum ka Auditor ka Association ki la iathuh ba la seng ia kane ka kynhun ha ka 17 tarik u September 2024 bad ka thong ka long ban ia peit lem na ka bynta ka jingbit jingbiang lang jong ki Contractor bad ki Supllier hapoh ka thaiñ Nongpoh.

Ki la ong ruh ba ka jingmih kane ka Association ka long ban wan rah ia kata ka jingiatylli bad ka jingiatre lang naduh ki Contractor bad ki Supplier ha Nongpoh bad lyngba kane ka Association kin ia trei lang ban peit ia ka eh ka shon bad ruh ka jingiai beit lang ki kam ki jam kum kita ki Contractor bad ki Supplier.

Ki la ong ruh lyngba kane ka Association kin ia trei lang bad ki tnad sorkar bapher hadien ba ki la dep ban register pura bad ka sorkar bad kum ka Association kan pyrkhat kyrpang ruh ia ki kam ki jam ba kum ki local Contractor bad Supplier ki dei ba ioh kam ioh jam bad ha kajuh ruh lyngba ka jingiatei lang ka long ban kyntiew ia ka ioh ka kot bd ka roi ka par hapo ka dong bad ka thaiñ Nongpoh.

Ki katto katne ki nongialam kane ka Association ki kynthup ia u Bah Pynroilang Shylla kum u President, Minsing Makri Vice President, P Rynghang General Secretary, A. Kharmujai Assistant Secretary, Elphas Shadap Treasurer,  Liander Nongshli Adviser, Bindas Syiem Auditor lem bad kiwei kiwei ki nongialam bad ki dkhot.