Nongpoh, Nailur 27: Kawei ka Trok ba kit ia u Coke bad kaba don ia u number ML-05-AB-9564ka la kylla noh ha Umsawnongkharaihadien ba ka la phet krad na ka jingleit tynrah ia kawei ka Kali Alto kaba don ia u ML-04-C-8496 kiba dang wan na kajuh ka surok ban hiar sha ka thaiñ Nongpoh.

Kane ka jingjia ka la jia mynta ka sngi ha ka por 11.40 ha ka surokbah National Highway-6 ha ki bynta jong ka Shnong Umsawnongkharai ha Ri Bhoi bad ka jingbakla u dribar trok bym pat ioh kyrteng u la leit tynrah ia katei ka Kali Alto katba u dang thmu ban shim ia ka pisa jong u, kaba hap na ka trok bad hadien ba la tynrah u la phet krad noh ia lade bad ynda poi ha katei ka jaka u la leit tynrah ia ka kynroh bad kylla ha ka surokbah.

Katei ka Kali Alto ka dei  kaba la niah da u Wanshuwa Phylleit (43) na ka Shnong Mynkrem Shangpung West Jaintia Hilla uba don lang bad la kiba haing, hynrei kane ka trok ha ka jingtynrah ia kane ka Kali ka la phet bad ynda poi hakhmat ka la kylla noh ha ka surok bad ba u dribar u la phet krad ia lade.

Kane ka Trok kaba la kylla ka la poi ruh sha shiliang ka surok ba wan Guwhati ban leit sha Shillong bad u Coke u ba la kit da kane ka Trok u la saphriang ha ka surokbah.

Na ka ling ki Pulit ka Nongpoh ki la hiar mardor sha kane ka jaka, bad hadien ba la poi ki la lap ba u dirbar Trok u la phet na katei ka jaka bad na ka liang ki Pulit ki dang pynlong ia ka jingtohkit ban lap ia utei u dribar bad ruh ban leh k atkum ki kyndon jong ka ain.