Mawkyrwat, Nailur 16: Ban pynpaw ia ka jingpyrshah kaba jur ba la pynbna kyrtong ia u Nelbi T. Sangma ban iakhun na ka NPP ha ka election 2028 na Ranikor Constituency, ki nongkyrshan jong ka NPP Ranikor Block mynta ka sngi ki la pynlong da ka jingialang ha Nongjri South West Khasi Hills ban pynpaw ia ka jingpyrshah ba la shu pynbna kyrtong khlem da iaid katkum ki kyndon jong ka party.
Ha kane ka jingialang la wan shim bynta da ki hajar ngut ki nongkyrshan ka NPP ha ka jingialam u Bah Mandilos Nongbri kum u kyrtong u bala ialeh MDC teng na ka party NPP na Ranikor Constituency.
Haba kren ha kane ka sngi u Bah Mandilos Nongbri u la ong ba kane ka jingpynbna kyrtong khlem da iaid katkum ka rukom treikam ka party ka dei ka jingle donbor u president ka NPP Ranikor Block u Nelbi T Sangma bad u Itchin D.Shira Secretary lem bad u Bah Kitborlang Nongrem bad ruh ki katto katne ki nongialam khlem da iaid katkum ki kyndon jong ka Party ha kaba la shu pynbna kyrteng jubor ia u Nelbi T Sangma kum ku kyrtong MLA haka 2028.
Pule ruh: Ïaki Kam Ban Khroh Rung BJP Ki MLA UDP La Leh Hi Da Ki Nongïalam BJP Na Delhi: Momin
U Bah Mandilos Nongbri, u la ong ruh ba halor kine ki kam leh donbor u la dep kynduh ruh ia u Conrad K. Sangma ban pan ia ka jingshai kaba pura halor kane ka jingpynbna kyrtong bad na ka liang u Conrad K. Sangma u la pynpaw ba un nym lah ban pdiang ia kane ka jingpynbna kyrtong bad u la bthah ruh ia u ban iaid beit shakhmat ban pynlong ia ka jingialang ryngkat ki paidbah.
Peit ruh:
Shuh shuh, u la iathuh ruh kumba la pynpaw da u Conrad Sangma kum u nongialam ba hakhlieh duh ka party NPP ba ym pat don ka jingithuh ia kane ka jingpynbna kyrtong, ki la shim ruh ia ka rai ban dawa pynthymmai noh ia ki nongkitkam ka NPP Ranikor Block khnang ba yn dang lah ban pynkhain ia ka party bad khamtam ban pynjop don burom ia u Dr. DRL Nonglait ha kane ka MP election shiteng samoi, u la bynrap.
