Shillong, Nailur 15: U President ka Meghalaya Bharatiya Janata Party (BJP) u Rikman Momin hynne ka sngi ula ong ba iaki kam khroh iaki MLA ka United Democratic Party (UDP) ban rung shaka BJP la leh hi daki nongialam ka Party na Delhi.
Ia kane u Rikman ula kynthoh iaki jingkynnoh ba ki nongialam ka Meghalaya BJP kim don jingtip, lano yn wan iasoh ki 8 ngut ki MLA ka UDP shaka BJP.
Haba kren shaki lad pathai khubor u Rikman ula ong ba don ki khep ba ki nongialam ka BJP na Delhi ki shim hi iaki rai ba kongsan khamtam haba iadei bad ka jingleit khroh ia kiwei ki MLA na kiwei pat ki Party.
Pule ruh:Pynshai Ka WORD Ïaki Longkmie Ri Bhoi Halor Ki Jingdonkam Haba Thep Scholarship Ïaki Khun
U Rikman ula ong ba kane kam mut ba ki nongialam ka Meghalaya BJP ki shah kyntait haba iadei bad ki rai ba kongsan ba ka Patty ka mut shim.
“Ngim pat buh iaka tarik. Ngim tip ruh la kita ki MLA ka UDP kin wan iasoh ne em bad ka BJP” la ong u Rikman.
Peit ruh:
“Ki lah ban iakren beit bad ki nongialam ka BJP na Delhi bad haduh mynta ngim pat jingtip na Delhi halor ka tarik wan iasoh ki MLA ka UDP shaka BJP” ula ong.
