United States, Jylliew 16: U Trai ka Tesla bad SpaceX (CEO) u Elon Musk ha ka sngi Saitjain u la pynpaw ia ka jingthrang ban weng noh ia ki Electronic Voting Machines (EVMs) hadien ba u la sakhi ba u Kyrteng Shimet na ka bynta ka election President jong ka United States u la lap ia ka jingbym treikam hok kine ki EVM’s ha ka election kaba la long ha Puerto Rico’s primary elections.
Ia kane ka jingthrang jong u CEO ka SpaceX u la pynpaw, haba jubab ia ka jingthoh ba la pynmih da u Robert F. Kennedy Jr, u kyrtong shimet ha ka election President jong ka United States.
Ha ka jingthoh ba la pynlait ha ka X, u Kennedy Jr u la pynpaw, “Ba ha ka Primary Election ba la long ha Puerto Rico’s nga la lap ba da ki spah tylli ki votes ki long ki bym iaid beit tang namar ka jingbym treikam bha ki Electronic Voting Machines (EVM’s), hynrei donbok namar ka jingdon pat ki kot ki sla ba biang ba la lah ban weng ia ka jingeh kaba la mih ha katei ka por bad la lah pat ban pyniaid beit ia ka jingthep votes bad ban niew bin pa bin ia ki votes ba la dep thep”, pynpaw u Kennedy, da kaba bynrap, ba kan jia aiu sha kiwei pat ki jaka haba thut ki EVM’s mashin bad ha katei ka por kum kine ki kot ki sla ba donkam kim don ha kitei ki jaka???
U Kennedy Jr u la ong ruh, ba ki nongshong shnong ka US ki dei ban tip ia kane ka jingshisha, ba ia ki votes ba ki la thep la dep ban niew bad ba yn nym lah ban leh tuh da mano re mano, kumta ka dei ka por kaba donkam bha ban phai biang sha ka jingpyndonkam ia ki kot ki sla lane ki Paper Ballots ban iada na kino kino ki jingthut jong ki mashin ba pyndonkam ha kane ka election.
Haba shimkhia halor kane ka jingpynpaw jong u Kennedy Jr’s kumba u la kynthoh, na ka liang u Elon Musk, u la pynmih ia kane ka kyntien da kaba ong, ba ka la dei ka por ba ngin weng noh ia ka jingpyndonkam ia kum kine ki mashin ha ki jingthep vote ha ki election ba kongsan (We should eliminate electronic voting machines).
“Ka don jingma ruh, ba ha kane ka juk kaba la nang iaid shakhmat, ba wat ia ki Votes la lah ban leh thok ne tuh noh da ki hackers lyngba ki briew ba la pyntbit bha ne wat lyngba ki kor internter kum ki AI bad kiwei kiwei” ong u Musk.
La sakhi ruh, ba halor kane ka jingai jingmut jong u Musk ban weng noh ia ka jingpyndonkam ia ki EVM’s la ioh ia ka jingiaroh bad ka jingmynjur lang da palat 1 lakh ngut kiba pyndonkam ia ka X. katba kumba 20,000 ngut pat ki briew ki la nang iai pynsaphriang ia kine ki jingai jingmut jong u Musk bad u la ioh ruh palat 8,000 kiba sngewtynnad ia kane ka jingai jingmut.
THOH BAD AI JINGMUT U ELON MUSK BAN WENG NOH IA KA JINGPYNDONKAM IA KI EVM’S HA KI ELECTION BA KONGSAN
RELATED ARTICLES
Recent Comments
on No Road to Domkyrkoh Since Statehood, 25 Crore Sanctioned for Connectivity to 8-9 Villages: Prestone
on No Road to Domkyrkoh Since Statehood, 25 Crore Sanctioned for Connectivity to 8-9 Villages: Prestone
on Tylli Ki Samla Pule Khasi Ban Shimbynta Ha Ka Fresher’s Meet Ka KSU RIST-USTM Unit Ha USTM Killing
on 70.18 Lakhs Ïoh Ka Skul Pahamrioh Govt. LP School Ban Shna Building Thymmai, Buh Mawnongrim U MLA
on Urkaliar Incident: KSU Serve Legal Notice On SP (City) And SP (Traffic) For ‘Unverified’ Statements
on Ka jingthmu pyniasoh BJP, ioh mynsiem u Bah Kyrmen Shylla ba kyrshan ki nongialam bad ki nongkyrshan
on Katba ai jaka ka sorkar ngi pdiang beit tang ban biang ki Driver Trok, dawa pynsted iaka kam: MCTODA
on Meghalaya CM says compensation, loan waiver for ASF-hit farmers difficult; agri policy by October
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Ka phatok kadei kaba pynphrang bad pynsatar mysniem ban ieit ia ka jaid bynriew, ong u President KSU
on Palat 160 Ngut Kiba Khlad, Dang Jah Rngai Daki Hajar Ngut Kynthup 130 Ngut Ki Nong India Ha Nepal
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya
