Shillong, Lber 28:  Tang hadien katto katne por ba la saphriang kawei ka  dur khih ha ki rynsan social media ba uwei u Dribar ka Mahindra Maxx u la shah thap bad shah shoh ryngkat ki ki ktien sieh ktien sang ha uwei u briew ba la kynnoh ba u de u Pulit, ki Pulit ka East Khasi Hills ki la shim khia mardor bad ki la ujor da ka Suomoto case pyrshah ia utei u briew.

Kumba la pynpaw da ki Pulit ka East Khasi Hills, la ong ba utei u briew uba don kti ha kaba pynibor ban shoh ia utei u dribar um dei satia u Pulit bad ki Pulit ka East Khasi Hills ki la pynlong ia ka jingtohkit kaba bniah ban lap ia u bad u dei ruh tang u riew paidbah bad ym dei satia u Pulit.

Ki pulit ka East Khasi Hills ki la pynthikna ruh ba kin shim khia ia kane ka kam ym tang ban pynjah burom ia ka tnat Pulit bad ruh ban pytnreikam ia ka ain na ka bynta ban iada ia ka hok ki nongshnong shnong.

Kum ban pynpaw, ha katei ka dur khih, utei u briew ba la kynnoh ba u lah ban dei u Pulit, ym tang ba u la shoh bad thap ia u dribar bad u la kren ruh da ki ktien kiba khor ryngkat ki tien sih tien sang bad byngngem byrsit ban siat da ka suloi ia utei u dribar.