Nongpoh, Lber 28: Kum kawei na ka thong ban peitngor ia ka shnong ka thaw na ka bynta ban iada ia kiba bun jaid ki kam sniew kiba ktah ia ka imlang ka sahlang, ka Shnong Umsawnongbri hynnin ka sngi ka la pynskhem ia ki dkot ka VDP ryngkat ka jingshimsmai ban iatrei lang bad ki bor pulit ka Ri Bhoi na ka bynta ban pynneh iaka shongsuk shognsain ki paidbah nongshong shnong.

Hab pynskhem ia ki dkhot ka VDP ha katei ka Shnong Umsawnongbri la wan ban shim bynta da u Officer Incharge ka Nongpoh Police Station u Michael Marak bad la don lang ruh u Rangbah shnong u Bah Mission Tron ha ryngkat ka jingdon lang kiwei ki riew rangbah na ka Shnong.

Ha kane ka sngi, na ka liang u Officer Incharge ka Nongpoh Police Station, u Michael Marak u la ai ka jingpynshai halor ki kamram jong ki VDP ban peit ia ka shongsuk shongsain ki padibah bad u la batai ruh halor shibun ki jingtreikam ba ki VDP ki hap ban trei bad ki bynta kiba kim dei ban trei ba hap ban pyntip sha ki bor ka ain.

Na ka liang u Bah Mission Tron kum u Rangbah Shnong u la ai khublei ia ka tnad Pulit ka Ri Bhoi kiba la wan ban pynskhem ia kine ki nnongialam bad ki dkhot ka VDP bad u pynpaw ba ka shnong ka kmen ban don ki VDP namar ki dei ki nongpeitpyrman iaka bha ka miat jong ki nongshong shnong.

U la ong ruh ba kum ki VDP ki hap ban sngap ruh ia ka jingbthah na ki bor Pulit bad haba ki treikam ruh ki dei treikam naphang khlem da don ka jingleh shiliang la ka dei ia u bahaing hasem ne ia u nongshong shnong, namar ka ain ka dei ban trei lang kumjuh khlem da don ka jingpyniapher haba don kino kino kiba leh ia ki kam sniew.