U nongïalam ba rangbah ka party BJP, u LK Advani u la shah sumar ha All India Institute of Medical Sciences (AIIMS) Delhi hynnin ka miet hadien ka jingshitom jong ka met.
Utei u rangbah bala 96 snem ka rta u dang don mynta hapdeng ka jingshah sumar bad ka jingpeit jingkhmih jong ki doctor ïaka jinglong jingman jong ka koit ka khiah jong ka tnad Urology bad ym pat lah ban tip thikna ïaka jingshitom jong u.
Kum ban shu kdew u LK Advani u dei ruh u Symbud Myntri Rangbah ka Ri naduh u Jylliew 2002 haduh Jymmang 2004 bad ruh kum u Myntri ka sorkar pdeng bad u dei ruh u nongïalam ba radbah jong ka BJP bad bat ïaka kam President bunsien naduh u snem 1986 haduh 1990, 1993 haduh 1998 bad 2004 haduh 2005 bad u dei ruh u ba la ioh pdiang ïaka Bharat Ratna ka khusnam ba heh haka ri 3 bnai mynshuwa naka President jong ka ri India ka Droupadi Murmu.
