New Delhi, Jylliew 21: Ha kawei ka jingjia kaba la nang iai jia, pyrshah ia ki nongleit nongwan kiba ju shong da ka rel, kiba ju lap ia ki khniang ne kiwei kiwei ki jingkhleh bym iahap ha ki jingbam ba ju sam da ki nongtrei jong ki Rel bapher bapher hapoh ka Ri India, kum kane ka jingjia ka la jia ruh ia ki arngut ki shijur ha kaba ki la lap da ka niangkalaw (Cockroach) ha ka jingbam ba la sam da ki bor pyniaid jong ka Rel Vande Bharat Express.
Kane ka jingjia ka la jia, ha ka jingleit jingleit jong kine ki shijur na Bhopal sha Agra kiba la shong ha ka Rel Vande Bharat Express ha kaba ia kane ka jinglap ia ka niangkalaw ba la iap ha ka jingbam ba la sam ha kane ka rel ka la saphriang bha hapoh ka internet khamtam ha ka rynsan X, ia kaba la pynsaphriang da u pyrsa jong kine ki shijur u Vidit Varshney.
U Vinit u la thoh ha ka rynsan X, “kane ka jingjia ka la jia ha ka 18 tarik Jylliew ha kaba u Mama bad I ñia ki la lap pynban da ka niangkalaw ba la iap ha ka jingbam ba la sam da ki bor ka IRCTC jong ka Rel Vande Bharat Expresss, bad ki bor ka IRCTCofficial on Vande Bharat, u la dawa ruh, ba ki bor ba dei khmieh jong ka jingpyniaid Rel ki dei ban shimkhia ban pynshitom ia kito kiba donkti.
Haba ia dei bad kane ka jingjia, na ka liang ki bor ka Indian Railway Catering & Tourism Corporation (IRCTC) marmar ia ioh jingtip halor kane ka jingjia, ki la shimkhia ban pynshitom ia kiba donkti da kaba daiñ kuna ruh ia ki, bad na ka liang ka IRCTC ka la pynshai ruh ba ki dap da ka jingsngewkhia kaba jur halor kine ki jingjia pyrshah ia ki nongleit nongwan da kaba kular ruh ban shimkhia ban phikir nangne shakhmat.
LAP KI SHIJUR DA KA NIANGKALAW BA IAP HA KA JINGBAM BA LA SAM HA KA REL VANDE BHARAT EXPRESS::DAIN KUNA KA IRCTC
