Nongpoh, Jylliew 13: Ki 4 ngut ki samla Briew kiba dei ki Nongtrei bylla sngi katba ki dang trei bylla ban pynpra ïa ka kynroh jong kawei ka building ha Nongpoh, kynsan kynsan ka slab jong katei ka building ka la hap kynsan bad ban syndon ïa ar arngut ki Samla haduh ba uwei naki u la mynsaw jur katba uwei pat u la khlad syndon ha katei ka jaka.
Naka liang ki paidbah mar sien ioh jingtip halor katei ka jingjia ki la Mareh pynsted ban ïarap bad nyngkong la lah ban sei shwa ia uba mynsaw bad la pynkit noh wut wut sha Civil Hospital Nongpoh bad hadien katto katne por la lah pat ban sei sa ia utei u Samla uba la sahkut ha katei ka jingjia bad uba la duh noh syndon ia ka jingim.
pule ruh: Kum Ki Nongjop Ha Ka SAFF Women’s Championship 2026, Pynkup Ka MFA Iaka Sanfida & Ribansi
Utei u Samla uba la khlad noh la tip kyrteng u Jelin Mangu 20 snem ka rta bad u Solar Lymphuid 19 snem ka rta uba la mynsaw na katei ka jingjia katba ki arngut pat kiba la lait salit na ka jingmynsaw ba latip kyrteng u Nalor Myrsing 19 snem bad u Turbor Damlong 22 snem bad baroh kitei 4 ngut ki dei kiba naka Shnong Umpathaw, Ribhoi District.
Katkum ki tyllong khubor la ioh lum jingtip ba, kane ka jingjia ka la jia mynta ka step ka sngi Saitjaiñ ha kapor 10 baje eiei bad Katei ka building kaba kitei ki 4 ngut ki samla ki dang trei bylla ka dei ka building kaba la longtrai da u Ma Ngaitlang Dhar kaba don hapdeng jong ka sor Nongpoh bad katei ka building ka dang don hapdeng ka jing maramot.
Naka liang ki Pulit ki la poi ha katei ka jaka bad ki la pynkit noh sha Civil Hospital ia ka met jong utei u Samla uba la khlad ban leh ïaki kam ba dang sah katba naka liang ki Pulit haduh mynta ki dang bteng pynlong ïaka jingtohkit ban tip ia ka daw tynrai jong ka jingjia.
Sa Peit ruh:
