Nongpoh Jymmang 21: Ban kyntiew ia ki kam thaiñ jingthaiñ ne ki kam shna kti lyngba ki siej ban ai ka jingmyntoi ia ki paidbah nongshnong ka Meghalaya, ka Tnad Commerce & Industrial jong ka sorkar Meghalaya ryngkat ka jingiatrei langbad ka North East Cane and Bamboo Development Council, Guwahati ka la pynlong ia ka prokram ai jinghikai ba ar taiew lynter ba la tip ku ka “Executive Course On Bamboo Handicrafts & Utility Products Making” kaba dei lyngba ka Scheme ‘Raising And Accelerating MSME Performance (RAMP)’.
Kane ka prokram ai jinghikai la pynlong ha North East Cane and Bamboo Development Council kaba la sdang naduh ka 7 tarik u Jymmang 2025 bad la pynmut noh ha ka 21 tarik u Jymmang 2025.
Ha kane ka sngi ba la pynkut noh ia ka prokram ai jinghikai, ki bor pyniaid kane ka prokram ki la sam ruh ia ki syrnot bad ki tiar ki tar ban shna jingshna sha ki 25 ngut kiba la pyndep ia kane ka prokram ai jinghikai.
La sakhi lang ruh ha kane ka sngi ba la pynkut ia kane ka prokram da ka jingdon lang u M.C Omi Ningshen (IRS-IT), Managing Director ka NECBDC bad la don lang ruh u u Bah D.M Sun functional manager DCIC Ri Bhoi District, u Bah R.Laloo, Industrial Promotion officer, DCIC RI Bhoi lem bad kiwei kiwei ki ophisar na NECBDC, bad kynthup ruh ki 23 ngut ki Nongshah ai jinghikai kiba wan na kiwei kiwei ki District na jylla Meghalaya.
