Nongpoh, Naiwieng 10: Ka long shisha ka jingsngewsih kthang ia ka ïing ka sem bad ki khun ki kti bad ia ka jylla hi baroh kawei, u Samla Aibok Madur kum u shipai na ka Assam Regiment bad uba dei na ka shnong Mawbri ha Ri Bhoi District, u la duh noh ia la ka jingim, katba u dang ai ia ka jingiada ia ka ri ha Siachen Glacier ha ki bynta jong ka jylal Jammu and Kashmir.
Kum ba la pynpaw, u Aibok Madur u dei u shipai ba shkri ha ka GOC, Fire and Fury Corps na ka Indian Army jong ka Assam Regiment bad kum u shipai u la duh noh ia la ka jingim ka dei ha ka 7 tarik u Naiwieng 2024 ha Siachen Glacier, Jammu and Kashnmir.
Halor kane ka jingduh noh u shipai ia la ka jingim, ki heh shipai ka Assam Regiment ki la pypaw ruh ia ka jingduhnong kaba khraw halor ka jingkhlad une u shipai bad ki la phah ruh ia ka khubor sngewlem sha ka ing ka sem bad ki khun ki kti jong u.
Naduh katei ka sngi ba u la khlad, la wan pynpoi ia ka met jong u ha ka 9 tarik u Risaw ha ka shnong Mawbri na ka bynta ban leh burom ha katei ka shong ba la pun la kha ia u bad la leh burom ruh naduh ki shipai bad ka ing ka sem ia ka met ba dang sah jong u kum u shipai uba la len lade ia ka la jingim ban iakhun pyrshah ia ki nongshun jong ka ri.
Shuh shuh, ia ka met jong u Aibok Madur hadien ba la leh burom ha Mawbri la leit buh shimiet ha ka ing kmie jong u ha ka shnong Mawbri bad ia ka met ba dang sah jong u, yn pyndep ha ka 11 tarik u Naiwieng 2024 ha ka shnong Lyngkhoi ba hap ha East Khasi Hills, kaba dei ka ing lok jong u, ba mynta ka sngi ki shipai ki shimti ia ka met na ka shnong Mawbri bad ba leit aiti ia ka met jong u sha ka Shnong Lyngkhoi na ka bynta ban leh burom khatduh ia ka met ba dang sah jong u.
