Nongpoh, Rymphang 26: Uwei u Dribar Auto Rickshaw ula mynsaw jur hadien ba katei ka Auto Rickshaw kaba u ñiah ka la shah tynrah kynsan ha kawei ka Trok kaba la phet jyndat hadien katei ka jingjia.
Kane ka jingjia ka la jia hynnin ka miet ha ka por 11 baje ei ei mynmiet ha Pahamsyiem hajan Bethany Hospital bad katei ka Auto Rickshaw kaba don ia u number ML 10 B 8655, kaba niah da u Ricky Lyngdoh ka la shah tynrah noh ha katei ka Trok kaba ym ioh number ei ei katba ka dang wan phai na Nongpoh.
Katkum ka tyllong khubor ba la ioh lum, la ong ba ha kane ka jingjia, u Dribar ka Auto Rickshaw u Ricky Lyngdoh u la mynsaw jur hadien ka jingshah tynrah ha katei ka Trok kaba u Dribar trok u la phet jyndat na katei ka jingjia.
La ong ruh ia u Dribar ka Auto Rickshaw la rah noh sha Bethany Hospital ban ioh ia ka jingsumar halor katei ka jingmynsaw jong u.
Ki pulit ki la iathuh ruh ba katei ka Auto Rickshaw ruh ka la julor ha katei ka jingshah tynrah ha ka trok bad na ka liang ki Pulit ruh ki la pynlong ia ka jingtohkit halor kane ka jingjia bad ruh ban buddien ia katei ka trok kaba la phet krad na katei ka jingjia.
