Nongpoh, Rymphang 27: Ka ding ba shyrkhei kaba la bamduh ia kawei ka ïing ha ryngkat u synsar ba ki dang shu dep kheit na lum, kaba la jia hynnin ka sngi ha ka por 2 baje ei ei janmiet ha ka shnong Umsmu ba hap ha Umsning Police Outpost ha Ri Bhoi District.
Kane ka ing bad ka jaka buh synsar ba la shah bam duh ha ka ding, ka dei jong ka Kong Marrilin Mawlong ba shong basah ha Umsmu, Ri Bhoi District bad ia ka daw tynrai jong ka jingkem ding katei ka ïing ym shym la lah ban tip thikna, hynrei la suba ba ka lah ban dei ka jingshah thang ha ki riew shim kabu.
Kumba la iathuh da ka Kong Merrilin Mawlong, la ong ba ha kane ka jingjia, ka ding kaba shyrkhei ka bam duh ia ka ïing, u synsar, ka Solar Energy, ki tiar rep bad kiwei kiwei ki tiar ki tar, namar ka ding ba shyrkhei ka la bam duh khlem da lah shuh ban pynlip haduh ba ka la kylla dpei.ï
Shuh shuh, ka la iathuh ruh, wat lada ym don kano kano ka jingjia ba sngewsih ia ki briew, hynrei ka jingpynjulor ka ding ka la ktah lut ia ka ïing ka sem khamtam ka jingbam duh ka ding ia u synsar uba ki la rep shitom ban kyrshan ia ka ïing ka sem.
