Nongpoh, Iaiong 19: Ha ka sngi ba u Bah Lamphrang Kharbani, President rangbah ka Hynniewtrep Achik National Movement (HANM), u la leit ban pynskhem ia ki nongialam ka HANM Ri Bhoi Sepngi, u la kyntu ia kitei ki nongialam ka HANM, ba kim dei ban sngap ia ka jingkren ne jingkynthoh jongki kiwei, hynrei ki dei ban trei la ka jong ka kam, kata na bynta ban ai ka jingshakri na bynta ka ri bad jaidbynriew.
Katei ka jingpynskem ia kitei ki nongialam ka HANM Ri Bhoi Sepngi, ka long na bynta ka samoi treikam jong u snem 2025 haduh 2028.
Ha katei ka sngi jong ka jingpyntian smai ne ban pynskhem ia ki nongkitkam ba pura ka HANM Ri Bhoi Sepngi, la sakhi da ka jingdon u Bah Lamphrang Kharbani, President rangbah ka HANM Sengkmie, uba la shim ia ka bynta ban pyntian smai, ha ryngkat ka jingdon ki riew Rangbah jong ka thaiñ Ri Bhoi Sepngi.
Ia katei ka jingialang pynskhem ia ki nongialam ka HANM Ri Bhoi Sepngi, la pynlong ha iing Dorbar ka Ri Bhoi Sepngi, ha kaba lyngba jong katei ka jingialang, la ïohi ba ki dkhot ka HANM Ri Bhoi Sepngi, ki la mih ryntih ban leit iashimbynta ha katei ka jingialang pynskhem nongialam ba thymmai jong ka seng.
Ki nongialam ka HANM Ri Bhoi Sepngi, ki kynthup ia u Bah Sumar Lyngdoh, kum u President, u Bah Anthony Syngkli kum u General Secretary, u Bah Prison Makri lem bad kiwei.
