Nongpoh, Rymphang 20: Ka Ri Bhoi Youth Federation (RBYF) Umsning Circle lyngba u President u Bah Shining Thangkhiew ka la phah ia ka kyrwoh khubor sngewlem halor ka jingkhlad ba kyndit u Dr. Ricky Syngkon kum u MP ka Shillong Parliamentary Constituency.

Kumba la pynpaw da u Bah Shining Thangkhiew kum u President ka RBYF Umsning Circle, u l a ong ba ka seng ka pynpaw ia ka jingsngewsih kaba khraw halor ka jingduh noh ia u Dr. Ricky Syngkon kum u MP ba don burom ka Shillong.

U la ong ruh ba kane ka jingkhlad ba kyndit noh u Dr. Ricky Syngkon ka long kaba ym lah ban pdiang bad kum ki briew ngim lah ban leh ei ei ia ka mon kaba khraw bad ka jingpyniaid u nongbuh nongthaw.

Namar kata, na ka liaing ka seng RBYF umsning Circle, ka pynpaw ia ka jingsngew duhnong kaba Khraw namar ka jingduhnoh ba kynsan ia u (L) Dr Ricky Syngkon, namar kum ban shu pyn kynmaw ba une u nongialam wat la u la shimti tang shipor kum u MP ka Shillong bad u la lah ban leh shibun ki kam kiba khraw na ka bynta ka jylla.

Shuh shuh, ka seng ka pynpaw ruh ba ka ju iohi ba une u MP u la ju iasaid ha Parliament na ka bynta ka jingbha bad ka jingmyntoi ki nongshong shnong ka Meghalaya bad ha kawei ka bynta ka seng ka phah ia ka khubor jong ka jingpyntngen ia kiba haing hasem kiba mat ia kane ka jingjia ba sngewsih ban duh noh ia une u nongialam uba la mih shakhmat ban shakri na ka bynta ka jingbha jong ki paidbah hapoh ka jylla.