Nongpoh, Naiwieng 25: Ka Nongpoh Region Auto Rickshaw Drivers & Owners Association (NRAO&DA) ha ka sngi saitjain ka la pynlong ia ka jingialang ha Indoor Stadium Saiden, da ka jingthmu ban pynkhlain bad ban pynskhem ia ki nongialam ka Saiden Unit bad ban pdiang sngewbha ia ki dkhot ba thymmai.
Ha kane ka sngi lah don ryngkat u Bah Banasar Lyngdoh, President ka Association, u Tony Shylla, Vice President, bad kiwei kiwei ki dkhot ka Association.
Ha kane ka jingiakynduh na ka liang u Tony Shylla u la ban jur ia ka jingdonkam jong ka jingiatylli bad ka jingtrei shitom hapdeng ki dkhot ba thymmai. U la kyntu ia ki ba kin burom ia ka kam jong ki bad ban ialeh ban long kiba tbit ha ki jingpyrshang jong ki. La pynkhlain ia ka kynhun Saiden lyngba kane ka jingthmu, kaba la pynroi ia ka jingsngew iajan bad ka jingiatreilang hapdeng ki dkhot jong ka Association.
Ki nongialam ka Saiden Unit ba la pynskhem ha katei ka sngi ki kynthup ia u president ba la jied ia u Bah Iaibanteilang Khyriem, Vice president Bankit Nongshli, General Secretary Bakmen Suting, Assistant Secretary Bankitbok Sangma, Finance Secretary Wanbok Marki, Publicity Secretary Sham Maiong, Sport Secretary Kyrshanborlang Kharhunai, Adviser Hoping Stone Makdoh bad Bah David Marthong bad kiwei kiwei de.
