Nongpoh, Lber 8: Kum shibynta ban kynmaw burom ïaka sngi jong ki Longkmie lane ka International women’s day, Ka Kynhun seng saiñ pyrthei ka Party BJP jong ka jylla Meghalaya daka jingshitrhem ka la rakhe ia ka International Women day, dakaba lum lang ia ki kynthei na ki bynta bapher bapher jong ka sor Nongpoh ha kawei ka jaka kaba la pynlong ïa Kane ka jingrakhe ha Nongpoh.
Ha Kane la sngi la ïoh sngew ïaki jingkren naki nongkren bapher bapher na ka liang ki Longkmie kiba kynthup ïa ka Kong Darihun Marbaniang, kong Marian Mariang, kong Sumitra Laloo bad ka president jong ka Mahila Morcha ka jylla ka kong Susuki Pariat hakaba ki la ai ïaka jingkren halor ka jingpyrshang ba ïai bteng jong u Myntri Rangbahduh ka ri u Narendra Modi ban pynkupbor bad kyntiew ïa ka jingim jong ki kynthei ha ri baroh kawei.
Haba kren ha kane ka sngi, ka kong Susuki Pariat ka la kren shaphang ka jingshaniah bad ka jingieit kaba u Myntri Rangbah u don ia ki longkmie ka jylla Meghalaya. Ka la ong ruh ba Ka party ha ka kyrdan pdeng bad jylla ka don shibun ki jingthmu na ka bynta ban pynkupbor ïa ki kynthei ha Meghalaya bad ka la kyrpad ïa baroh ki para kynthei kiba la poi ha ka jingialang ba kin ai ïaka jingkyrshan ïa ka party ban pynriewspah ïa ka jingim jong baroh ha ka jylla.
Ka kong Susuki Pariat ka la pynkynmaw ruh ha katei ka jingïalang shaphang ki skhim bapher bapher ba ka sorkar pdeng ka la shna na ka bynta ka jingmyntoi jong ki kynthei ha ka jylla bad ka la kyrpad ruh ba ki Kynthei kin shim kabu ïa ki skim kiba la wan rah kyrpang daka Sorkar pdeng naka bynta jong ki.
Nalor kitei ki nongkren Ha kane ka sngi la wan ban ia donlang da ka kong Ïaishah Rymbai, nongseng ia ka Eriweave Pvt Ltd bad President cluster level federation Bhoirymbong cluster (hapoh ka NRLM), ka kong Pinky Mariang, World Peace & Beautiful skin, Ex-Miss Meghalaya bad Ex-Miss North East lem bad kiwei kiwei.
