Nongpoh, K’lyngkot 30: Katba ki sngi ki la jan ban poi sha ka jingjied ia ki nongmihkhmat sha ka ing dorbar thaw ka KHADC ka la nang jan, ki 5 ngut ki kyrtong ka party Congress bad 2 ngut ki kyrtong ka NPP mynta ka sngi ki la pyndep ia ka jingthep kyrteng na ka bynta ban ioh ban ia khun ia kane ka election MDC ka ban long haka 21 tarik Rymphang.
Kine ki 5 ngut ki kyrtong ka party Congress (INC) ba la dep ban thep kyrteng mynta ka sngi ki kynthup ia u Bah u Bah Micky Douglas Syiem na Umroi Constituency, Bah Dominic Mynsong na Mawhati Constituency, Bah Rocky A Marweiñ na Umsning Constituency, Bah Lawrence Nongrum na Nongpoh Constituency, bad u Bah Victor Ranee na Jirang Constituency.
Ki ar ngut pat ki kyrtong ka NPP kiba la dep ban thep kyrtang ki kynthup ia u Bah Bah Rangkynsai Kharbuki na Umroi Constituency bad u Bah Joplin Sten na Mawhati Constituency.
Kumba long haduh mynta ka sngi, ki kyrtong kiba la pyndep ban thep kyrteng ki la kot sha ki 12 ngut kata kynthpup 5 na VPP, 5 na Congress bad 2 ngut na ka party NPP.
