Nongstoin, K’lyngkot 09: U Bah Marbiang Nongsiej, u rangbah uba la ioh ia ka Ticket ban iakhun MDC na ka Party VPP na Nongstoin Constituency, ha ka kyrwoh kaba u la phah sha ki lad pathaikhubor, u la ong ba kum wei na ki nongshong shnong hapoh ka Nongstoin Constituency bad uba don ka mynsiem ban shakri paidbah, watla ka dei tang ha tang ha i bor I barit, u la ong ba hadien ba la mih ka seng VPP, u la pyniasoh sha ka VPP, namar ba u iohi ba ki don ki nongrim kiba biang ban shakri sha ki paidbah ka jylla.
Haba u la pyniasoh sha ka VPP, u la ong ba u la trei ryngkat ryngkat bad ka party, nalor kata u la aplai ruh ia ka ticket MDC naduh u bnai November 2023, namar ka party ruh ka nang pyrkhat ba ka election kan long ha u 2024 hynrei la pynjlan noh. Kumta ka iaid ka por bad ha ka MP Ilekshon ruh ki nongialam Party VPP na Nongstoin, ki la bynshet ia u ia ki kam kiba khia bad nga u la trei shitom hi ruh ha kato ka Ilekshon MP bad nga ngeit ba u Organising Secretary jong ka Nongstoin ruh u kubur ia kata.
Katkum ka jingthoh jong u Bah Marbiang Nongsiej, u la ong ba u la iathuh lyngkot lyngkot, ba ha u bnai November ha ka 11tarik 2024 na ka liang ka State Election Committee, ka lah phah ia u Bah Marbiang Nongsiej lem bad ia ki para nong aplai Ticket ha Ophis treikam ka VPP kaba don ha Laitkor bad ha katei ka sngi ha ka por 4.30 janmiet, la pynbna ia ka kyrteng jong u Bah Marbiang Nongsiej ba ngan dei kum u Kyrtong ka VPP na Nongstoin Constituency bad hadien 1 sngi ka jingpynbna ticket, u la phun ia u Bah Ardent Miller Basaiawmoit, President Rangbah ka VPP, ha kaba u la kylli ruh ia u lah long ne em ba un leit pynithuh ialade ha ki lok ki jor ki shnong ki thaw ba nga la ioh ticket, ha kaba ka jingbab na u President ka VPP ka long Hooid ba u la lah ban iaid kylleng ka Nongstoin Constituency bad ha ka 2 tarik bnai December 2024, u President Rangbah ka VPP, u la phah wan ia u Bah Marbiang Nongsiej na bynta ka Oriëntation program ha office party.
Hynrei kaba la pynlyngngoh, ka long ba haduh kane ka sngi ba mynta na ka liang ka SEC ka khlem khot shuh ia u Bah Marbiang Nongsiej ban iakren ei ei shaphang kata ka kam ticket ba lah dep ai ia nga bad lada don ki daw ka lah dei ban khot markhmat ban kylli shaphang kita ki daw, hynrei em bad wat haduh ban da pynmih ia ka jingpynbna ha ka 7 tarik mynta u Bnai 2025, u la shu iohi lyngba ki lad pathai khubor, ba ia ka tiket la ai noh sha u wei iaka ticket bad la weng ia u bad ba ki khlem pyntip ei ei ruh em, la ka long lyngba kaba shu phun ne lyngba ka jingthoh.
Kaba buh ia nga ha ka umdum mynta ka long halor kato ka jingjia ia ka North Shillong, ba u Spokesperson u la kren shai ha ka press statement, ha kaba u la ong ba yn ym lah shuh ban pynkylla ia ki Kyrtong, namar baroh ki candidate ngi lah dep khmieh bniah bha bad ia ngi la pynkupbor da ka Constituon jong ka party bad ka rai jong ka party ka dei ka rai ba halor duh, namar kata ba u Bah Marbiang Nongsiej, um sngewthuh shuh mano shuh kita ki bor ba kham halor shuh shuh ne kiba kham hapoh kiba la shim biang ia ka ticket kaba la dep pynbna paitbah.
Halor kino ki daw ba ki la weng ia nga, ngam don jingtip ei ei namar kumba nga la ong ba ka SEC ka khlem khot ia nga ban ia kren ne ka klem ai kano kano ka call on explanation letter. Ka la shu weng beit kumto . Ka jing kylli ka long ba lada kim ibit ia nga balei ki ai na ba sdang? Lada kim ai naba sdang ngam lei lei hynrei Nga shim ba kane ka jingleh ia nga kadei ka jingpynkhein wat iaka hok longbriew manbriew bad nga pyrkhat ba wat ka mynsiem iatiplem ruh ka lah iap.Halor kita ki daw kumba phi kylli, nga tharai kan khambha shibun ba phin kylli hi ma phi na ki nongialam VPP iakita ki daw.
