Arunachal, Jylliew 05:
U wei u rang ïalehkai Cricket na Arunachal u Techi Doria u la long uba nyngkong eh na jylla Arunachal Pradesh ban ïoh ïalehkai na Wolverhampton Cricket Club, ban ïa khun ïa ka 2024 Birmingham bad District Premiere League campaign.
U Doria u dei ba u ju ïalehkai kriket ha ka lympung Ranji Trophy bad ha ka jingïalehkai kaba dang shu dep, u la ïoh ban ïalehkai bha bad ïoh ban khur haduh 411 runs haka average kaba 58.71 naka jingïalehkai kaba 4 sien.
U ne u rangialehkai kriket u la lah ban ïalehkai bha bad sah jingkynmaw dakaba ïoh ban khur 50 runs haka jingïakhun pyrshah ïaki kynhun kiba tbit kiba kynthup ïaka Sikkim, Mizoram, Nagaland bad Hyderabad, ha kaba u la ïoh ban pynpaw pyrthei ïaka sap ka jong u hapdeng ki jingïakhun kiba jwat.
U Doria, u ba dei ruh u ba ai jinghikai kriket ïa ki khynnah khlem donkam ban siew man u snem, u la pyni ruh ïaka jinglah ban ialehkai bha ymtang ha ka jingtied ia ka bol, hynrei wat ka jingkawang bol ruh kumjuh.
Ka shithi naka liang British High Commission New Delhi ka la dep ban phah sha u Doria kaba la pyntip sha u shaphang ka License, ka International Sportsperson Visa, sponsorship lem bad kiwei kiwei.
