Nongpoh, Jylliew 05: Namar ka jingther jong u lapbah bala neh baroh shi miet, ka shnong Jorpul kaba don haka thaiñ Khanapara mynta ka sngi kala mad ïaka jingshlei um kaba jur haduh baka um kala ioh ban rung ïaki iing ki sem jong ki paidbah.
Ka daw jong ka jingshlei um ha katei ka thaiñ ka dei ruh namar ka jingset bad sahkut jong ki nala da ki jaboh jabaiñ ba ka um kam ioh shuh ban tuid haka jaka ba dei ban tuid bala pynlong ïaki nongshong shnpng ban kynduh mawsiang namar ka umsaw kala rung wat sha ki iing ki sem jong ki paidbah kynthup ruh ki dukan.
Naka liang ki paidbah kiba shong ba sah ha katei ka jaka kim banse ban pep ruh ïaki kam ki jam jong ki hynrei ban bunkam ka tong bad pynkhuid ïaka iing ka sem hadien ba u lapbah u la kham duna mynta ka sngi kaba la mih ruh ka jingsma iwtung kaba shyrkhei bad katei ka um jaboh kala ring lut sha ki dukan bad iing briew.
Ha katei ka jingshlei um bun naki tiar ki tar kila duh namar ka jingtap jong ka um bad naka liang ki nongshong shnong kila pynpaw ka jingsngewkhia namar katei ka jingjia ka dei tang namar ka jing sahkut jong ki nala namar ki jaboh jabaiñ kaba la pynsniew ruh wat ïaka surok kaba dang shu dep shna shen.
Shuh shuh ha kawei pat ka jingjia ka thaiñ Jorabat ruh kala mad ïaka jingshlei um kaba shyrkhei naka jingther u lapbah haduh ba baroh ki dukan kila hap ban khang khyrdep lut namar ka jingkiew jong ka um ha surok bah bad bun naki kali ruh kila sahkut bad sinew ha katei ka jaka.
BA LANG JABOH KI NALA, SHLEI UM KA SHNONG JORPUL BAD JORABAT
RELATED ARTICLES
Recent Comments
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Ka phatok kadei kaba pynphrang bad pynsatar mysniem ban ieit ia ka jaid bynriew, ong u President KSU
on Palat 160 Ngut Kiba Khlad, Dang Jah Rngai Daki Hajar Ngut Kynthup 130 Ngut Ki Nong India Ha Nepal
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya
