Nongpoh, Jymmang 18: Ki 3 ngut ki nongmihkhmat na Ri Bhoi District ba kynthup ïa u Dr. Celestine Lyngdoh MLA ka Umsning, u Bah Charles Marngar MLA ka Mawhati bad ka Kong Rona Khymdeit MDC ka Nongpoh mynta ka sngi ki la leit ban shim bynta ha ka jingïalap election u Dr. DRL Nonglait na ka bynta ka election shiteng sami na ka Shillong Parliamentary Constiteuncy.
Ïa kane ka jingïalang la pynlong ha Iew Mawhati bad ka dei ruh ka sien kaba nyngkong ba u Dr. DRL Nonglait kum u Kyrtong ka NPP ha kane ka election shiteng samoi u la sdang ban wan ïalap election ha Ri Bhoi bad ban pan ka jingkyrshan na ki paidbah ka Ri Bhoi.
Kitei ki 3 ngut ki nongmihkhmat na Ri Bhoi na ka NPP party, ha kane ka sngi haba pan jingkyrshan na ki paidbah ki la pynpaw halor shibun ki mat ba ka NPP ka la wan rah ka jingkylla ym tang ha ki 5 tylli ki Constituency ha Ri Bhoi, hynrei ka NPP ka la wan rah ka jingkylla ha ka jylla hi baroh kawei khamtam ha kaba ïa dei bad ki kam pynroi u paidbah ha ka jylla.
Kine ki 3 ngut ki nongmihkhmat na Ri Bhoi ki la pynpaw ruh ba ki sngewkmen ban don bad ka NPP, namar dei ha kane ka paty kaba wan rah ki kam pynroi khamtam ha Ri Bhoi naduh ki surok, ki umbam ki umdih, ka pule ka puthi bad kiwei kiwei ki kam pynroi ba ka Ri Bhoi ka la ioh pdiang shibun ki jingkylla.
Na ka liang u Dr. Celestine Lyngdoh u la ther tyngeh ruh haba don kiba pyrta prah, namar ba kim kwah ban sngap ïa ka jingshisha, ka jaid bynriew kan nym kiew bad kan nym roi, namar ïa kaba dei ruh kim kwah ban sngap bad ka jingpyrta ieit jaid bynriew tang ha ka ktien khlem ki kam ka long kam kai suda.
SA PEIT RUH ||
