Nongpoh, Risaw 31: Haba leit ban pynhap pyrda noh ia ka jingrakhe ia ka jubili kisar ka St. Ignatius Upper Primary School, Pahamrioh mynta ka sngi, u Dr. Ricky AJ Syngkon kum u MP ka Shillong Parliamentary Seat, u la kyntu jur ia ki khynnah skul katei ka skul ba ki dei ban sngewsarong ia la ki kmie ki kpa.

“Dei ki kmie ki kpa kiba len lada ia la ka jingim ban phah ia ki khun sha ki skul ba wad jingstad bad kum ki khynnah skul haba ki la ioh lum jingstad ki dei ban pyndonkam hok ia ka jngstad na ka bynta ka lawei jong ki bad ka lawei jong ka jaid bynriew” ong u Dr. Ricky AJ Syngkon.

U la ong ruh ban poi sha ka thong jong ka jingim, kum ki khynnah skul, ki dei ban nang ban siewspah ia ka por, namar lada kim nang ban siewsphah ia ka por kin nym lah ban poi sha ka thong jong ka jingjop ha ka jingim.

“Kumba ki khynnah skul ki wan na ki thymmei bapher bapher jong ki longing longsem ba ki kmie ki kpa ki phah ia ki sha ki skul bad ki dei ban kynmaw tang kawei ba ka jingphah ki kme ki kpa sha ki skul ka long ban lum jingstad bad dei tang ka jingnang jingstad kaba lah ban saindur ia ka lawei jong ki kum kita ki samla pule” ong u Dr. Ricky AJ Syngkon, bad bynrap ruh da kaba kyntu jur ba kum ki khynnah skul ne ki samla pule ki dei ban dang trei shitom ban poi sha ki kyrdan ba shaneng jong ka jingpule na ka bynta ban im ka longing longsem bad ban im ka ri bad ka jaid bynriew haba ngi don kita ki samla kiba la biang pura ha ki kyrdan pule bapher bapher” u la bynrap.

Ha kane ka sngi ba la pynkut noh ia kane ka jingrakhe ia ka jubili ksiar, nalor u Dr. Ricky AJ Syngkong kum u kongsan, la don ryngkat lang ruh u Nominated MDC ka KHADC u Bah Mawthew Makdoh, u Fr. Peter Syiemlieh Parish Priest ka Nongpoh Parish, ki nonghikai, ki khynnah skul, ki kmie ki kpa bad ki nongshong shnong.

La pynphuh pynphieng ruh ia kane ka jingpynkut ia ka jingrakhe ia ka jubili ksiar da ki prokram bapher bapher bapher naduh ka rwai ka siaw, ka tem ka put, ki jngshad tyrnrai ba la shim bynta bad ha ryngkat ki jingphai dien sha ka mynor ka jingiaid lynti kane ka skul, kaba la ieng ban shakri ban ai jingnang jingstad ia ki khynanh skul.